Рубрика: Жаңалықтар

2025 жылғы 8 желтоқсан күні мектебімізде тарих пәні апталығы бастау алды. Апталықтың мақсаты:оқушылардың тарихи танымын кеңейту, отансүйгіштікке тәрбиелеу және ұлттық құндылықтарға деген қызығушылығын арттыру.Апталық аясында сынып сағаттары, танымдық сайыстар, викториналар, ашық сабақтар және шығармашылық көрмелер өткізілу жоспарланды.Іс-шаралар барысында оқушылар тарих пәніне қатысты білімдерін ортаға салып, белсенділік танытуда.Тарих апталығы оқушылардың білімін тереңдетуге, логикалық ойлауын дамытуға және тарихи сананы қалыптастыруға бағытталған.

«Оқуға құштар мектеп», «Балалар кітапханасы» жобасы аясында «Кітап оқу трендте» (Чтение книг всегда в тренде) атты іс шара өткізілді. Мақсаты балалардың уақытын тиімді өткізуіне көмектесу, кітап оқуға шақыру.

04.12.2025 жылы «Балалар кітапханасы» жобасы аясында мектеп кітапханасында «Досыммен кітап оқимын»атты кітап жәрменкесі 15 минуттық үзілісте мектеп кітапханасында ұйымдастырылды.Мақсаты: оқушыларды кітап оқуға ынталандыру, оқу мәдениетін қалыптастыру, әдеби шығармаларды насихаттау, кітапханаға келуші оқырман санын ұлғайту, кітаппен дос болуға шақыру. Оқушылар сұрақтарға жауап беріп қалаған кітаптарын оқуға алды.

Мектебімізде күнделікті өтетін іс-шаралар аясында, үзіліс кезінде білім алушылардың бос уақытын тиімді әрі пайдалы өткізу мақсатында көркем еңбек пәнінің мұғалімдері тоқыма жіптерден қолөнер туындыларын жасау бойынша шеберлік сағатын ұйымдастырды.Мұғалімдер оқушыларға тоқыма жіптерден картина жасаудың үлгісін көрсетіп, шығармашылықпен айналысуға ынталандырды.Бұл жұмыс оқушылардың эстетикалық талғамын, қол еңбегіне қызығушылығын арттырып, ұқыптылық пен шыдамдылыққа тәрбиелеуге бағытталды.

03.12.2025ж облыстық салауатты өмір салтын қалыптастыру орталығының ұйымдастыруымен, «Sofimedgroup» көпсалалы клиникасы БМСК орталығының дәрігері З.А. Қосаеваның қатысуымен мектебімізде «СПИД – ХХІ ғасыр індеті» тақырыбында 9-11сыныптар арасында дәріс өткізілді.Іс-шараның мақсаты:оқушыларға АИТВ/ВИЧ инфекциясы мен ЖИТС (СПИД) ауруының алдын алу, жұғу жолдары, қорғану тәсілдері және оның адам ағзасына тигізетін зардаптары туралы түсінік беру.Дәріс барысында оқушылар өздерін қызықтырған сұрақтарын қойып, дәрігерден нақты жауаптар алды. Маман ВИЧ-инфекциясының алдын алуда салауатты өмір салты мен жауапты мінез-құлықтың маңыздылығын ерекше атап өтті.Шара оқушылардың медициналық сауаттылығын арттырып, өзін және жақындарын қорғау мәдениетін қалыптастыруға бағытталды.

02.12.2025ж мектебімізде «Қамқор» жобасы аясында «Табиғатқа қамқорлық жасау міндетіміз» акциясына орай табиғатты қорғау және экологиялық мәдениетті қалыптастыру мақсатында экология фракциясының белсенді қыздары гүл көшеттерін отырғызып, көркейту жұмыстарына атсалысты.Оқушылар қоршаған ортаға жанашырлық танытып,экологиялық жауапкершілігін арттырып, еңбекқорлық пен ұжымдық жұмысқа тәрбиелеуге бағытталды.

02.12.2025ж күні мектебімізде «Көңілді үзіліс» жобасы аясында оқушылар арасында шахмат ойыны ұйымдастырылды.Мақсаты:үзіліс уақытын тиімді пайдалану, логикалық ойлау қабілеттерін дамыту және оқушылардың бос уақытын мазмұнды өткізу.Оқушылар ойынға белсене қатысып, бір-бірімен достық қарым-қатынаста ойнады. Шара оқушылардың қызығушылығын арттырып, зейінін шоғырландыруға және тәртіптілікке тәрбиелеуге ықпал етті.