Мектебімізде 01.10.25ж Мектеп президенті сайлауы өтті. Сайлауға 7-11сынып оқушылары белсенді қатысып, өз үміткерлерін ұсынды. Дауыс беру нәтижесінде 10 «Б» сынып оқушысы Абулханов Рауан Маратұлы мектеп президенті болып сайланды. Жаңа президентке сәттілік тілейміз және алдағы жұмыстарына табыс пен жауапкершілік тілейміз.
Ұстаздар мерекесіне орай 01.10.25ж мектебімізде мұғалімдер арасында волейбол ойыны ұйымдастырылды. Бұл шара ұстаздарымыздың денсаулығын нығайтып, ұжымды біріктіруге бағытталды. Қатысушылар белсенділік танытып, көтеріңкі көңіл-күймен ойыннан тамаша әсер алды.
2025 жылғы 25-26 қыркүйек күндері жалпы білім беретін пәндер бойынша ғылыми жобаның қалалық кезеңіне №2 жалпы білім беретін мектептің 8-11 сынып оқушылары арасынан 4 жобамен 5 оқушы қатысты. «Неге қазақстандық жастар ағылшын тілін оқуға белсенділік танытады?» тақырыбымен 11-сынып оқушысы Кемалова Алина, жетекшісі Жанболатова А.Б., «Кеңістік формуласы: сәулет өнерінің математикалық негіздері» тақырыбымен 10-сынып оқушысы Балтаева Камилла, жетекшісі – Балтаева Г.Р., «Қала, теңіз және зауыттар: Ақтаудың экологиялық мәселелері оқушы көзімен» тақырыбымен 8-сынып оқушылары Нургалиева Милана мен Кузина Вероника, жетекшісі Тургынбекова Ш.М. және «Заманауи электромобильдерге талдау жасау» тақырыбымен 10-сынып оқушылары Кабатуллаев Тимур мен Мусаев Муслим, жетекшісі Алагозова Г.Ж. қатысты.
Ғылыми жоба конкурсының қалалық кезеңінің қорытындысы бойынша 10-сынып оқушысы Балтаева Камилла жүлделі ІІ орын иеленсе, 8а сынып оқушылары Нургалиева Милана мен Кузина Вероника ІІІ орын иеленді.
«Кеңістік формуласы: сәулет өнерінің математикалық негіздері» тақырыбымен 10-сынып оқушысы Балтаева Камилла конкурстың облыстық кезеңіне жолдама алды.
Мектепте 1–12 қыркүйек аралығында «Жол жүру ережелерін білу – қауіпсіздіктің негізі,жол-көлік оқиғаларының алдын алу» тақырыбында профилактикалық іс-шара өтті. Іс-шараға ФЗОЖ (салауатты өмір салтын қалыптастыру) дәрігері Қосаева Загура Абсаматқызы қатысып, оқушыларға жол қауіпсіздігі, жеке бас гигиенасы және денсаулықты сақтау туралы ақпарат беріп, түсіндірме жұмыстарын жүргізді.
«Оқуға құштар мектеп» жобасы мен «Балалар кітапханасы» аясында 24.09.2025 жылы Ақтау қаласы білім бөлімінің «№2 жалпы білім беретін мектеп»КММ кітапханашысы және мектеп мұғалімдері Ақтау қаласындағы Қабиболла Сыдиықұлы атындағы әмбебап кітапханасына барып, сыршыл ақын Сұлтанбек Құдайбергеннің «Жан шырағы» атты кітабының тұсау кесер рәсіміне қатысты. Ақынның оқырманға жаңадан жол тартып отырған бұл жинаққа лирикалық өлеңдері мен аудармалары енген. Кітаптың тұсау кесеріне арналған рухани шарада жыр-шумақтар мен әдемі әуен тыңдалып, жиналған қауым қаламгерді жаңа кітабының жарыққа шығуымен құттықтап, жылы лебіздерін білдірді.
Қызықты үзіліс
