Қыркүйек айының 22-23 күндері «Тіл – тәуелсіздік тұғыры» атты қазақ тілінен қашықтық олимпиадасы өтті. Олимпиадаға 7-10 сынып оқушыларынан барлығы 25 оқушы қатысты. Оқушылар лексикалық-грамматикалық бөлімнен 70 тапсырма, оқылым бойынша 50 тапсырма орындады. Олимпиада барысы YouTube платформасындағы онлайн-трансляциямен көрсетілді.
2025 жылдың 23 қыркүйек күні, жалпы білім беретін пәндер бойынша республикалық ғылыми жобалар конкурсының мектепішілік іріктеу кезеңі өткізілді. Конкурсқа 8-11 сынып оқушыларынан барлығы 9 оқушы 7 жобамен қатысты. Іріктеу барысында конкурстың қалалық кезеңіне «Неге қазақстандық жастар ағылшын тілін оқуға белсенділік танытады?» тақырыбымен Кемалова Алинаның жұмысы, жетекшісі Жанболатова А.Б., «Кеңістік формуласы: сәулет өнерінің математикалық негіздері» тақырыбымен Балтаева Камилланың жұмысы, жетекшісі – Балтаева Г.Р., «Қала, теңіз және зауыттар: Ақтаудың экологиялық мәселелері оқушы көзімен» тақырыбымен Нургалиева Милана мен Кузина Верониканың жұмыстары, жетекшісі Тургынбекова Ш.М. және «Заманауи электромобильдерге талдау жасау» тақырыбымен Кабатуллаев Тимур мен Мусаев Муслимнің жұмыстары жетекшісі Алагозова Г.Ж. жіберіледі.
«Адал азамат тәрбиелеудегі жауапты ата-ана, қолдаушы ұстаз және қауіпсіз мектеп»тақырыбында мектепішілік жалпы ата-аналар жиналысы өтті.
Жиналысты мектеп директоры Бердісүгірова К.К ашты. Шараға мектеп әкімшілігі, 1–11-сынып ата-аналары, Ақтау қаласы ПБ ЖПҚБ ЮПБ КТІЖ аға УПИ полиция капитаны Аскаров Нұрғали Ержанұлы, директордың тәрбие ісі жөніндегі орынбасарлары Акимова Д.И. мен Нұрдаулетова Л.Б сонда-ақ оқу ісі-жөніндегі орынбасары Тлеугалиева З.Г мектеп психологы Елдузеров Н.Е қатысты.
Күн тәртібінде ата-аналармен мектептің бірлескен жұмысы, ата-аналарды педагогикалық қолдау орталығының қызметі туралы айтылды.
Атқарылып жатқан жұмыстар жөнінде толық ақпарат ұсынылды. Сонымен қатар ата-аналар комитетінің төрайымы тағайындалды.
«Адал азамат» біртұтас тәрбие бағдарламасы аясында оқушыларға әлемдегі су тапшылығы, қазіргі кездегі су ресурстарының жағдайы мен суды үнемдеп тұтынудың маңызы туралы оқушыларға жадынамалар таратылып, ақпарат берілді.17.09.2025ж мектебімізде «Менің сыныбым — буллингке қарсы» атты челлендж ұйымдастырылды. Іс-шараның мақсаты — оқушыларды бір-біріне құрметпен қарауға, достық қарым-қатынас орнатуға және буллингтің кез келген түріне қарсы тұруға тәрбиелеу.
2025 жылдың 15 қыркүйек күні 6 «А» сыныбында ата-аналар жиналысы өткізілді. Сынып жетекшісі: Белунина Алена Игоревна.Жиналыс барысында оқу жылының мақсат-міндеттері, сыныптың ішкі тәртібі, оқушылардың білім сапасы, мектеп формасы, тәртіп мәселелері және ата-аналармен бірлескен жұмыс бағыттары талқыланды. Сонымен қатар, ата-аналарға «Зорлық-зомбылыққа жол жоқ» тақырыбында ақпарат беріліп, балалардың қауіпсіз ортасын қамтамасыз ету жолдары қарастырылды. Ата-аналар белсенді қатысып, өз ұсыныстарын білдірді.
Мемлекет басшысының тапсырмасы бойынша елімізде «Келешек мектептері» ұлттық жобасы қарқынды жүзеге асырылып жатыр. Мектептерде балалардың қабілетін дамытуға арналған түрлі үйірмелер жұмыс істейді: дебат, вокал, домбыра, дойбы, баскетбол, би, футбол, волейбол, робототехника, қолөнер және т.б.
